Attenti Jekk Tirċievu Telefonati Jgħidulkom Li Huma Minn Identity Malta

L-Aġenzija Identity Malta hija infurmata li detenturi ta’ kont tal-eID qed jirċievu telefonati min-numri tat-telefon anonimi fejn jidentifikaw ruħhom bħala uffiċjali ta’ Identity Malta.

Min iċempel qed jitlob informazzjoni ta’ login u dettalji personali oħra filwaqt li jallega li l-kont ta’ min iċempel ġie aċċessat, minkejja li dan fil-fatt ma seħħx.

L-Aġenzija Identity Malta twissi lill-pubbliku li l-aġenti tagħha ma jċemplux lid-detenturi tal-kont tal-eID u jitolbu l-informazzjoni personali tagħhom jew informazzjoni oħra tal-login. Identity Malta tat parir lill-klijenti tagħha biex jinjoraw kwalunkwe sejħiet jew emails bħal dawn peress li jistgħu jkunu foloz.