Kienu Tefgħu L-Ħmir Fil-Baħar … Għaliex?

Bħal-lum 18 t’Awwissu tal-1947, fil-baħar għan-naħa ta’ fuq ta’ Malta nstabu numru ta’ ħmir mejta fil-baħar. Dak li ġara kien li fil-maltemp kienu ntremew il-baħar minn fuq il-vapur Sorelle Mule li kien ġabhom minn Tripli.

B’kollox kien hemm mitt annimal. Il-ħmir intefgħu l-baħar għax minħabba l-maltemp li kien għamel, 29 ħmar kienu mietu u l-bastiment kien qed jixxengel fuq naħa waħda.