Raġel Arrestat b’Mandat Ta’ Arrest Ewropew

Il-Pulizija Maltija mit-Taqsima tar-Relazzjonijiet Internazzjonali, ilbieraħ arrestaw Albaniż ta’ 36 sena, permezz ta’ Mandat ta’ Arrest Ewropew, maħruġ fuq talba tal-Awtoritajiet tal-Greċja.

Ir-raġel kien imfittex sabiex jgħaddi proċeduri kriminali dwar delitt doppju u arson.

Illum, għall-ħabta tal-ħdax u nofs ta’ filgħodu, ir-raġel ser jitressaq il-Qorti quddiem il-Maġistrat tal-Għassa Dr Noel Bartolo.