“Lill-Papa għedtlu nixtieq insir qassis” – Kyran Bonello

Ir-rebbieħ ta’ Malta’s Got Talent, Kyran Bonello, illum iltaqa’ mal-Papa Franġisku.

Ma’ STRADA RJALI, Kyran esprima l-ferħ tiegħu. “Kien mument speċjali ħafna. Mument li mhu ħa ninsa qatt matul ħajti kollha.

Jgħidilna kif lill-Papa qallu bix-xewqa li għandu. “Għedtlu li nixtieq insir qassis u kantajtlu silta minn Panis Angelicus.” Il-Papa Franġisku, kif jidher, tah il-barka tiegħu.

Jiddeskrivi lill-Papa bħala bniedem ta’ paċi. “Jittrasmetti paċi u ferħ lejn in-nies.”

Kyran Bonello rebaħ it-tieni staġun ta’ Malta’s Got Talent.