It-temp f’San Girgor se jkun xemxi u sħun

It-temp għal għada t-Tlieta u nhar il-Erbgħa, jum San Girgor mistenni jkun xemxi u ċar bit-temperatura dakinhar se tilħaq il-21°C.

Il-Ħamis ukoll mistenni jkun jum sabiħ u sħun iżda t-temperatura terġa’ tifriska nhar il-Ġimgħa, bit-temp ikun ftit imsaħħab.

Tmiem il-ġimgħa se jkollna temp instabbli, b’ċans ta’ ħalbiet tax-xita.

It-temperatura tal-baħar bħalissa hija ta’ 16°C, li hija nofs grad inqas mill-medja staġjonali għal nofs April.

Ħajr lil Temp Madwarna għall-informazzjoni