Balzan jippruvaw idawwru r-riżultat tal-ewwel leg

Illejla Balzan F.C. fil-grawnd taċ-Ċentinarju, jilagħbu t-tieni leg tat-tieni rawnd tal-UEFA Conference League billi se jilqgħu lil FC Neman Grodno tal-Belarus. Fl-ewwel leg Balzan F.C. tilfu din il-logħba bl-iskor ta’ 2-0 u llum iridu jkunu fl-aqwa tagħhom biex idawru dan ir-riżultat. Sabiex Balzan F.C. jgħaddu għat-tielet rawnd, iridu jirbħu bi tliet gowls differenza jew inkella jittamaw li jispiċċaw b’żewġ gowls differenza u jmorru għall-għoti tal-penalties.