L-ormoni fin-nisa

Kif ħafna jafu, l-ormoni tas-sess femminili li huma l-estroġen u proġesteron għandhom l-aktar effett sinifikanti fuq is-saħħa tal-mara, mill-mestrwazzjoni għat-tqala sal-menopawsa u aktar. Iżda, ġismek jagħmel u juża varjetà ta ‘ormoni oħra li jaffettwaw aspetti oħra tas-saħħa tiegħek, mill-livell ta’ enerġija, piż, burdata u aktar.

Estroġenu

l-estroġenu huwa responsabbli għall-bidliet fiżiċi li jibdlu tfajla f’mara matul il-pubertà, inkluż l-iżvilupp tas-sider, it-tkabbir tax-xagħar pubiku u l-bidu taċ-ċikli mestrwali. Minbarra l-importanza tal-estroġenu għat-twelid, jgħin biex iżomm il-kolesterol f’ kontroll, jikkontribwixxi biex jipproteġi s-saħħa tal-għadam u jaffettwa l-moħħ (inkluż il-burdata), il-qalb, il-ġilda u partijiet oħra fil-ġisem kollu. Is-sors primarju tal-estroġenu fin-nisa huma l-ovarji, li jipproduċu l-bajd tal-mara.

Proġesteron

Il-proġesteron huwa magħruf primarjament bħala l-ormon tat-tqala fin-nisa, u ħafna mill-funzjoni tiegħu hija relatata ma’ tqala.

Nisa li għandhom livelli baxx ta ‘proġesteron spiss ikollhom ċikli mestrwali abnormali jew ibatu biex jkollhom tarbija, minħabba li n-nuqqas ta’ proġesteron ma jipprovdix l-ambjent xieraq biex bajda fertilizzata tikber.

Testosterone

Bħala l-ormon sesswali primarju misjub fl-irġiel, it-testosterone għandu wkoll rwol importanti fil-ġisem tal-mara. Ammonti relattivament żgħajr ta’ testosterone jinstabu fl-ovarji u glandoli adrenali u rilaxxati fid-demm, fejn jikkontribwixxi għal xewqa sesswali tal-mara, id-densità tal-għadam u s-saħħa tal-muskoli. Nisa li jipproduċu wisq testosterone jistgħu jesperjenzaw ‘Acne’ fil- ġisem.

Ormon tat-‘thyroid’

It-‘thyroid’, bħala glandola tnixxi diversi ormoni. Jekk il-glandola tat-‘thyroid’ tiegħek ma tipproduċix biżżejjed ormon li jistimula t-‘thyroid’, jista’ jkollok kundizzjoni msejħa ‘hypothyroidism’, jew ‘thyroid’ mhux attiva.

Il-livelli ta’ ormoni jvarjaw b’mod naturali f’diversi stadji tal-ħajja, dan it-tibdil isir matul il-pubertà u fin-nisa matul iċ-ċiklu mestrwali, it-tqala u l-menopawsa. Jistgħu wkoll jiġu affettwati mill-istil tal-ħajja u ċerti kundizzjonijiet mediċi.

Hawn taħt nsibu 10 sinjali ta’ żbilanċ ormonali li għandek toqgħod attenta għalihom:

1. Tinbidel il-burdata.
2. Diffikulta bil-‘period’ jew bl-uġigħ.
3. Libido baxx.
4. Nuqqas ta’ rqad u kwalità fqira.
5. Żieda fil-piż.
6. Problemi fil-ġilda.
7. Problemi tal-fertilità.
8. Uġigħ ta’ ras.
9. Għadam dgħajjef.
10. Nixfa vaġinali.