Mhux faċli għal kulħadd li jgħaddi minn korriment fit-tqala
Suġġett xi ftit jew wisq iebes u li mhux faċli li l-persuna tiftaħ qalbha dwaru u titkellem dwar l-emozzjonijiet li tkun għaddiet u għadha għaddejja minnu wara li jkollha korriment. Emozzjonijiet li jistgħu jtawwlu u li jaffettwaw il-benesseru tal-persuna. Dan huwa marbut sew ukoll mas-saħħa mentali tal-bniedem.
Korriment huwa meta t-tqala tintilef qabel tgħalaq l-20 ġimgħa tagħha. Madwar 20 fil-mija tat-tqala huwa mifhum li jintemmu b’korriment. Hemm ukoll korrimenti li jseħħu mat-12-il ġimgħa.
Is-sintomi jaf ikunu diversi fosthom:
- li ma tibqax tħoss tqalliegħ tat-tqala
- uġiegħ krepattiv taħt iż-żaqq
- ħruġ ta’ likwidu mill-parti privata tal-mara u bosta oħrajn.
M’Aħnhiex hawn biex nallarmawk dwar dan. Tajjeb li dejjem iżżomm kuntatt mat-tobba tiegħek. L-għan tagħna hu, li inti li għaddejt minn korriment tiftaħ qalbek u titkellem ma’ dawk viċin tiegħek biex tgħin ruħek toħroġ minn din il-fażi li kapaċi tkun qed ittaqlek.
L-aħbar tajba hi, li mara tista’ terġa’ tinqabad tqila sa kmieni wara biss ġimgħatejn li tkun sofriet minn korriment. Imma dak tiddeċiedieh inti. Kuraġġ.
