Qatt smajtu bil-kelma ‘Thrifting’ jew ‘Swap’?

Qatt smajtu bil-kelma ‘Thrifting’ jew ‘Swap’? Qatt kontu parti minn grupp jew mortu ġo xi ‘thrift shop’? Iż-żewġ terminoloġiji jfissru differenti però bl-istess ħsieb. Nitkellmu dwar thrifting, Dan it-terminu ġej minn “thrift shops” jew “thrifting stores”, li huma stabbilimenti li jbiegħu oġġetti second hand, ħafna drabi bi prezzijiet orħos hekk kif inhuma oġġetti wżati. Oġġetti komuni li n-nies jixtru permezz ta’ thrifting jinkludu ħwejjeġ, aċċessorji, għamara, kotba, elettronika, u oġġetti tad-dar. Il-benefiċċji ta’ Thrifting huma ħafna, fost l-oħrajn:

Affordabbiltà: Hekk kif ma tonfoqx ħafna flus.
Sostenibbiltà: Benefiċċju kbir għall-ambjent hekk kif jagħti t-tieni ħajja lill-oġġetti użati.
Sejbiet Uniċi: Tista’ tkun xortik tajba u ssib sejbiet uniċi hekk kif ikun hemm affarijiet vintage li ma jkunux faċilment disponibbli fil-ħwienet tal-bejgħ.

Apparti thrifting insibu wkoll gruppi ta’ tpartit, fejn dawn il-gruppi jpartu oġġetti ma’ xulxin. Dawn jistgħu jkunu ħwejjeġ, aċċessorji u ħafna affarijiet oħrajn. Bħal ma hemm il-beneficcji tat-thrifting hekk ukoll issib għal meta tiswopja, fost oħrajn:

Tiffranka: Tpartit jippermetti lill-individwi jakkwistaw affarijiet ġodda jew li jkunu ġa wżati mingħajr ma jonfqu flus. Dan huwa partikolarment ta’ benefiċċju għal nies li qed ifittxu li jnaqqsu l-infiq ġenerali tagħhom.

Sostenibbiltà Ambjentali: It-tpartit jippromwovi stil ta’ ħajja aktar sostenibbli u favur l-ambjent billi jestendi ċ-ċiklu tal-ħajja tal-oġġetti u hekk tnaqqas id-domanda għal produzzjoni ġdida u jimminimizza l-ammont ta’ oġġetti li jispiċċaw fil-miżbliet.

Fl-aħħar u mhux l-inqas, dawn jgħinu biex jibnu komunità soda billi jgħaqqdu individwi biex jaqsmu r-riżorsi, interessi u valuri komuni.