‘Switch Homes’ għal dawn iż-żminijiet

Ġieli smajtu b’ ‘House Swap for Holidays’? Tafu din x’ tinvolvi? Hawn Malta qisha għadha ma daħlitx iżda f’pajjiżi oħra saret popolari speċjalment minn wara l-film ta’ ‘The Holiday’ li jmur lura fl-2006 fejn jidhru 2 atturi popolari bħal Cameron Diaz u Kate Winslet fost oħrajn.

House swap fil-verità hija preċiżament dik fejn qed tbiddel id-dar tiegħek ma’ ta’ ħaddieħor. Jippermetti żewġ persuni jew familji biex igawdu bidla fix-xenarju bil-kumditajiet kollha ta’ dar u mingħajr l-ispejjeż u l-miżati ta’ lukanda. Apparti li din hija t-tpartit tad-djar imfittxija għal żmien il-vaganzi speċjalment għal żminijiet bħal dawn tal-Milied, hemm min isibha soluzzjoni prattika għal ħafna li jeħtieġu akkomodazzjonijiet ‘il bogħod mid-dar.