Żaqqna barra, platti tal-ikel u xiri – x’titfa’ fuq il-midja soċjali?
X’titfa’ fuq il-midja soċjali tiegħek? Toqgħod attent minn informazzjoni personali?
Jiġir spiss li tant drajna nitfgħu u nuru l-aqwa ħajja li ninsew x’konsegwenzi jista’ jkun hemm.
- Kemm nitfgħu ritratti li ħa nsiefru u d-dar tkun waħedha? Qed tistieden li min għandu intenzjoni ħażina u tgħidlu li d-dar hija vojta u komda għalih.
- Żaqqna barra. Din diskutibbli. Jgħidulek la għandi x’nuri, ħallieni ħa nuri, tindaħalx. Din toħloq effetti psikoloġiċi fuq dawk li m’għandhomx l-istess figura għaliex iħossuhom li ma jistgħu qatt jitfgħu bħalek. għal darb’oħra, hemm min jgħidlek ‘x’jimpurtani, affarieh/a’.
- Xi xtrajt. hemm għalfejn turi li xtrajt kċina ġdida? U jekk għandek tħallas xi ħaġa oħra li waqajt lura minnha, x’messaġġ qed tagħti?
- Ma’ min tkun. Ma’ min rajtek xebbaħtek. Ovvjament dawn qed nifhmu li qed toħduhom f’sitwazzjonijiet ġeneriċi. Huwa sabiħ li titfa’ mal-familja imma hemm nies li forsi m’humhiex ta’ mġieba tajba u dawn se jaffettwaw ir-reputazzjoni tiegħek.
- Uċuh tat-trabi. Għaliex għandek turi wiċċ uliedek li qas forsi biss għadhom jitkellmu lill-pubbliku? Min jaf x’għad tgħidlek la tikber it-tarbija: ‘hemm xi tfajt kont ma?’
- Karozzi. Mingħajr ma naħsbu, ġieli jintefgħu karozzi jew biex nuru x’għandna jew biex ninku. U n-number plate jidher. tagħtix lok u informazzjoni żejda fejn m’hemmx bżonnha.
Bħal f’kollox, nistgħu ma naqblux fuq dak li qed ngħidu hawn. Il-ħsieb tagħna huwa biss biex noqgħod iżjed attenti xi informazzjoni rridu nitfgħu hemm barra u xi rridu li jibqa’ privat.
Ftakru, li la darba tfajtu, tiġi informazzjoni pubblika u ħaddieħor jista’ jużaha kif irid!
