Inbatu min-nuqqas ta’ mmaniġġjar f’pajjiżna?

Immaniġġjar – management. Spiss naraw riklami ta’ korsijiet relatati ma’ dan is-suġġett u anke nies jiggradwaw hekk. Tajjeb ħafna.

Imma meta niġu għad-dipartimenti, entitajiet u postijiet simili, kemm qed ikunu mmaniġġjati kif suppost.

Spiss ikun hemm mitt kaptan. Dak jgħid mod, l-ieħor jgħid mod ieħor. Il-ħaddiema ta’ taħthom jispiċċaw mitlufin bil-konsegwenza wkoll li jispiċċaw ma jagħtux il-performattiva mixtieqa. Imma ma jkunx dejjem tort tagħħhom.

Jiġri li ta’ fuqhom meta xi ħaġa ma tirnexxix, idur fuq il-ħaddiema u kważi b’mod ċar iwaħħal fihom.

Imma l-istruttura minn fuq trid tibda. Mexxej, li jiddelega, iqassam u jafda. Bil-ħaddiema li jaġixxu u jwettqu.

Jekk ma hemmx struttura, inkluż f’ħajjitna, ikollna koċċ tgerfix. Dan huwa wkoll ħsieb li nixtiequh jasal għand min huwa xi kap ta’ post jew ieħor; l-istruttura ttik ir-riżultati. Għaraf aħdem.