Jekk tiekol soppa biss taf tonqos malajr?

Li tiekol soppa biss hija meqjusa bħala dieta li mhix daqshekk ta’ sustanzi għall-ġisem tal-bniedem. Imbagħad skont x’titfa’ magħha.

Jekk nirreferu għal dawn is-sopop lesti li kemm tħallat mal-ilma sħun, żgur li ma tkunx qed tiekol kemm meħtieġ fil-jum u s-sistema immunitarja tiegħek taf tbati.

Huwa veru li tonqos malajr imma trid taħseb fit-tul. X’jiġri mbagħad malli tiekol ikel solidu? Se żżid il-piż mill-ewwel? Se jagħmillek ħażin fl-istonku?

Dejjem huwa importanti l-bilanċ f’kull ħaġa fil-ħajja tagħna nkluż fl-ikel li nieklu.

Nissuġerixxu wkoll li dejjem tieħdu paririr professjonali qabel tiddeċiedu waħedkom.

Saħħitna hija importanti. Li nieħdu ħsiebha minn kmieni, jiswina għal meta nikbru.