Oreste Kirkop – The Vagabond King

Kien tenur ċelebri. Bravu. Leħen bellusi. Sar tenur ta’ fama mondjali. Din hija storja ta’ Malti li għamel suċċess u unur kemm għalih u anke għal pajjiżna.

Kien intagħżel mill-kumpanija enormi PARAMOUNT. Madanakollu, iż-żmien ta’ qabel kien differenti mil-lum u f’nofs il-karriera ta’ suċċess tiegħu, iddeċieda li jerġa’ jirritona lura Malta minħabba raġunijiet familjari.

Fil-fatt fis-16 ta’ Frar tal-1957, tħabbar li t-tenur Malti Oreste Kirkop kien telaq il-kumpanija Paramount. Huwa kien ħadem il-film The Vagabond King li ħafna qisuh bħala film li ma kienx addattat għalih.

Illum huwa midfun fiċ-ċimiterju tan-Naxxar.