Serjetà żejda fejn irridu, mill-bqija kollox jgħaddi

Jeżistu ħafna entitajiet, għaqdiet u mkejjen oħra li jitolbu serjetà. U hekk għandu jkun. Apparti dan, hekk ikun mitlub ukoll mill-ħaddiema jew membri.

Imma billi jkun hemm ċajt b’limitu f’ħinu u f’waqtu, ma tkunx waqgħet id-dinja lanqas. Anke jekk xi ħadd jagħmel żball, m’għandux jispiċċa qisu mixli quddiem il-qorti.

Minn estrem għall-ieħor. Dawn l-estremitajiet idejqu lin-nies.

Jew tinqata’ linja mill-bidu sal-aħħar li ċajt xejn, inkella mhux meta jfettilek int u tkun qed tiċċajta int ok, kollox jgħaddi, u meta ħaddieħor jiċċajta tpenġieh dimonju qisu għamel att kriminali.

Din tiġri spiss ukoll. Dawn huma suġġetti li żgur li xi darba jew oħra, laqtukom jew għad jolqtukom.