Is-sitt tipi ta’ tfal li ssib kull filgħodu fuq il-vann tal-iskola
Is-sitt tipi ta’ tfal li ssib kull filgħodu fuq il-vann tal-iskola
Ta’ kull filgħodu, it-tfal li jmorru l-iskola bil-vann iqumu max-xemx sabiex jilbsu l-uniformi u jippreparaw ruħhom biex jaqbdu l-vann. Tisma’ l-ġenituri jissieltu biex joħorġuhom mil-friex sħun, jikkonvinċuhom jieklu l-kolazzjon u jilbsu l-uniformi sabiex ma jitilfux il-vann. X’inhuma s-sitt tipi ta’ tfal li ssib ta’ kull filgħodu fuq il-vann tal-iskola?
1.It-tfal li jkun għad għandhom in-ngħas u jerġgħu jorqdu fuq il-vann
Sabiex ilaħħqu mad-domanda, il-vannijiet tal-iskola jibdew jaħdmu kmieni kmieni. Dan sabiex ilaħħqu jieħdu lit-tfal kollha responsabbli għalihom l-iskola. Ovvjament, ħafna mit-tfal ikunu għadhom nofshom reqdin malli jitilgħu fuq il-vann u wħud minnhom jerġgħu jieħdu nagħsa oħra sakemm jaslu l-iskola.
2.It-tfal li jinsistu li s-seats ta’ wara huma tagħhom
Hemm dawk it-tfal speċifiċi li jħobbu jħossuhom rejjiet u jintefgħulek fuq is-seats ta’ wara fejn ikollhom l-opportunità jaraw dak kollu li jkun għaddej fuq il-vann.
3.In-nibxa tal-vann
Fuq kull vann se ssib xi tifel jew tifla nibxa li ma jħallu lil ħadd bi kwiethom, speċjalment lil dawk li jiddeċiedu li jieħdu nagħsa.
4.Dawk li x-xufier jgħidilhom ipoġġu bilqiegħda sitt mitt darba
Hemm xi tfal iħobbu jittantaw xortihom u tarahom jippruvaw joqgħodu bilwieqfa waqt li l-vann ikun fit-traffiku. Tant li x-xufier ikollu jirrabja magħhom għal darba darbtejn!
5.Dawk li jqumu jkantaw
F’kull vann se ssib lit-tfal li malli jisimgħu xi kanzunetta favorita tagħhom fuq ir-radju, tismagħhom jiftħu ħanġra daqsiex sabiex ikantaw magħha.
6.Dawk li qatt ma jitilgħu fil-vann
Iva sewwa smajtu, hemm dawk it-tfal ukoll li minkejja li suppost għadhom post fil-vann, qatt ma jitfaċċaw għax ma jirnexxilhomx iqumu kmieni. Imbagħad tarahom deħlin l-iskola aktar tard wara li jwassluhom il-ġenituri tagħhom.
