Kif beda l-karriera Justin Bieber? Eżempju ta’ kif wieħed irid jemmen fih innifsu
Justin Bieber, bl-isem sħiħ Justin Drew Bieber, (twieled fl-1 ta’ Marzu 1994, London, Ontario, Kanada), kantant Kanadiż u idolu żagħżugħ li d-dehra ħelwa u l-kanzunetti pop attraenti tiegħu qanqlu ġenn globali li beda fl-2009.
Bieber trabba minn omm waħedha fi Stratford, Ontario, il-Kanada, u meta kien żgħir tgħallem idoqq it-tnabar, il-pjanu, il-kitarra, u t-tromba. Fl-2007 huwa pparteċipa f’kompetizzjoni tal-kant lokali, fejn kiseb it-tieni post, u ommu poġġiet filmat tal-prestazzjoni tiegħu fuq il- YouTube għall-ħbieb u l-familja li ma setgħux jattendu. Iktar tard tellgħet vidjows oħra magħmula mid-dar, li fihom Bieber kanta kanzunetti popolari tar-rhythm-and-blues (R&B) u kultant akkumpanja ruħu fuq il-kitarra akustika, u malajr ġibdu l-attenzjoni lil hinn mill-udjenza maħsuba oriġinarjament tagħhom.
Fost dawk li raw il-videos ta’ Bieber kien hemm Scott (“Scooter”) Braun, promotur tal-mużika u aġent tat-talent, li stieden lil Bieber ta’ 13-il sena biex jirreġistra demos fi studio f’Atlanta. Waqt li kien hemm,
Bieber inzerta ltaqa’ mal-kantant R&B Usher u rranġa audition informali miegħu. Impressjonat bil-kunfidenza naturali u t-talent vokali ta’ Bieber, Usher għen biex jiffirma kuntratt ta’ reġistrazzjoni lejn l-aħħar tal-2008.
Tiskanta. Ix-xorti? Jew li ma taqta’ qalbek qatt u tkun pożittiv?
