Bħalissa kulħadd jikteb li “bi mħabba lejn raħal twelidu se jikkontesta”
Hija normali l-kandidati jagħmlu ħilithom biex jispikkaw u ma ttiehomx tort għaliex it-tellieqa sal-barkun jgħid il-Malti u dejjem ikun hemm kompetizzjoni.
Min joħroġ għal xi elezzjoni, ikun jixtieq li jmur tajjeb, anke għalih personali.
Il-kliem li jintuża jkun dak ideali u romantiku bħal “Għax inħobb pajjiżi”, jew “għall-ġid tar-raħal li dejjem għext fih” u ġieli anke naraw profili li jispjegaw minn ta’ min huma, il-laqam tal-familja u x’wettqu fir-raħal.
Imma din tinġarr tul il-5 snin ta’ ħidma? Wara li jgħaddi kollox, nibqgħu naraw tifħir lejn ir-raħal li ngħixu fih jew huwa biss mument biex niġbdu l-għajn u wara li jgħaddi kollox, addio r-raħal li nħobbu?!
Din iġġiegħelna forsi nibdew naħsbu ftit; li llum in-nies jinnutaw iżjed permezz tal-midja soċjali u li huwa importanti, li dak li ngħidu nwettquh dejjem bis-sħiħ, u mhux biss lejlet elezzjoni.
Jekk persuna tixtieq turi li hija tant patrijotta għal raħal twelidha, dan għandu jintwera dejjem, saħansitra anke jekk ma tkunx eletta.
X’taħsbu?
