7 sigrieti li qatt m’għandek tgħid lil ħadd!!!
Ngħidu ħafna fuq in-nuqqas ta’ ġenwinità imma rridu ngħidu li hawn ħafna u ħafna nies ġenwini wkoll. Tant, li jgħidu kollox fuqhom. Dan mhux dejjem se jservi ta’ ġid. Se jkun hemm min iżommlok kollox fil-komma għal meta jiġi l-waqt, jew inkella biex jgħir għalik jew jattakkak bihom.
- riżentimenti tal-passat. Veru li tajjeb tiftaħ qalbek ħalli tistrieħ imma attent. Hemm min iżommhielek ħalli mal-ewwel argument ifakkrek li int minn dejjem hekk, għax hekk ġralek mat-tali jew it-talija.
- x’għandek materjal. Mhux kulħadd jifraħ veru. Apparti li tkun qed tgħid kemm tiflaħ tixtri. Attent
- il-paga. Din ukoll ma tinżilx tajjeb ma’ kulħadd. U se ssib min jgħidlek li mhux ta’ b’xejn dejjem iddur l’hinn u l’hawn.
- għanijiet f’ħajtek. Żommhom għalik. Għax jgħaddi ż-żmien u tinduna li ħadulek l-idea.
- x’tagħmel tajjeb u kemm tgħin. Jużawha f’mumenti fejn jgħidulek li int mhux veru umli.
- tkabbir spiritwali. Mhux dejjem se jifhmek ħaddieħor. Dak li lilek qed itik sodisfazzjon issa, għal ħaddieħor jidher fażull.
- problemi familjari. Dawk żommhom għalik, aħdem fuqhom u solviehom. Aħjar parir professjonali milli tgħid fuqhom ma’ sħabek. Illum ħbieb, għada le.
Ma rridukomx taħsbu li aħna negattivi. Anzi, ngħidulkom dan, biex tibqgħu tgħixu ħajja pożittiva.
