Jekk hemm xi persuna li tgħidilkom “jien m’għandix tfal imma għandi lill-kelb”, isimgħu sew għax illum hija l-ġurnata tagħha. Qatt smajtu b’Dog Mum Day? Din il-ġurnata sseħ fit-tieni Sibt ta’ Mejju, ta’ kull sena u tiċċelebra lil dawk in-nisa kollha li serqilhom qalbhom l-akbar ħabib tal-bniedem: il-kelb!
F’dan l-artiklu se ngħidulkom ftit modi kif tistgħu tiċċelebraw dan il-jum speċjali!
- Mur mixja mal-kelb tiegħek, forsi erħilha lejn xi Fomm ir-Riħ jew sal-Buskett.
- Sajjar ftit gallettini apposta għall-klieb biex turi lill-kelb tiegħek kemm tħobbu
- Organizza picnic mal-kelb tiegħek, jekk tieħdu sad-Dog Park ta’ Ta’ Qali żgur se jħossu ferħan u kuntent.
- Organizza photoshoot ħelwa u kkrea album bir-ritratti tiegħek u ta’ dan l-akbar ħabib tiegħek.
- Jekk tħobb il-klieb imma għadek ma sirtx Dog Mum, mela uża dan il-jum speċjali sabiex tadotta kelb.
Intant, jekk tixtieq tagħmel sorpriża ħelwa lil xi Dog Mum, niżżel dan iċ-ċertifikat, ipprintjah, imlieh agħtihulha bħala rigal. Żgur se tnisslilha tbissimha fuq wiċċha!
