Modi strambi kif persuni ltaqgħu mal-imħabba ta’ ħajjithom…
Meta wieħed jimmaġina kif se jiltaqa’ mal-imħabba ta’ ħajtu, ħafna drabi lanqas jgħaddilu minn moħħu li dan jista’ jsir fl-aktar sitwazzjonijiet strambi ta’ ħajtu! Infatti, ġeneralment, dak li jkun jimmaġina li l-imħabba ta’ ħajtu se jiltaqa’ magħha waqt xi avveniment, f’xi bar jew inkella forsi fuq xi dating app.
Hawn taħt se ngħidulkom ftit esperjenzi strambi ta’ kif persuni ltaqgħu mal-imħabba ta’ ħajjithom!
- Koppja partikolari ltaqgħu waqt party fejn it-tema kienet titlob li ħadd ma jilbes qalziet.
- Koppja oħra ltaqgħet waqt li t-tnejn li huma kienu qed jistudjaw il-mediċina, partikolarment f’mument speċifiku meta kienu qed janalizzaw kadavru.
- Wieħed iltaqa’ mal-mara tiegħu waqt festival tal-mużika, wara li din intefgħet taqla’ quddiem il-karozza tiegħu.
- Ieħor iltaqa’ mat-tfajla tiegħu wara li qala’ daqqa ta’ ponn…mingħand ir-raġel li kienet qed toħroġ miegħu dak iż-żmien.
- Mara li kienet taħdem bħala stripper, iltaqgħet mar-raġel tagħha fuq ix-xogħol. Iva, klijent tal-istrip club.
- Oħra ltaqgħet mar-raġel tagħha waqt li dan kien qed joħroġ ma’ ħabiba tagħha meta kienu għadhom l-iskola.
- Oħra ltaqgħet mal-għarus tagħha wara li bdiet tikri l-appartament li kien għadu kemm ħareġ minnu hu.
- Koppja oħra ltaqgħet waqt festin tal-Halloween għall-klieb.
- Raġel spiċċa kkonkwista lit-tfajla tiegħu wara li kien fis-sakra f’bar u gidimha…
- Ieħor mar jagħti d-demm u spiċċa ħareġ bi tfajla ġdida.
Tafu stejjer strambi ta’ kif iltaqgħu koppji Maltin? Għidulna fil-kummenti!
