Fatti kurjużi dwar l-Olimpjadi
Kif ħafna jafu, nhar il-Ġimgħa li ġej se jibdew l-Olimpjadi ġewwa l-belt Franċiża ta’ Pariġi. L-olimpjadi jiġbdu lejhom miljuni ta’ nies hekk kif mhux biss huma festa ta’ diversi sports differenti, imma huma attivitajiet illi jgħaqqdu diversi nies minn pajjiżi differenti
Apparti l-laqta sportiva l-Olimpjadi iġibu magħhom storja ta’ mijiet ta’ snin, hekk kif l-ewwel olimpjadi imorru lura sa mijiet ta’ snin qabel Kristu u huma mimlija fatti interessanti. Fatti, li mhux bilfors inkunu smajna bihom.
1) Fl-ewwel festivals tal-Olimpjadi, fil-Greċja, l-atleti kienu jikkompetu mingħajr ħwjjeġ. U llum, mhux biss jilbsu l-ħwejjeġ minħabba d-diċenza, imma minħabba s-sigurta u l-isponsors
2) L-ewwel darba li n-nisa tħallew jikkompetu fl-olimpjadi kien fis-sena 1900, f’Pariġi, l-istess belt li fihom se jsiru din is-sena
3) Waqt l-Olimpjadi ta’ Londra tal-2012, kienet l-ewwel darba li l-pajjiżi kollha parteċipanti , kellhom ukoll atleti nisa
4) Waqt il-ġimgħatejn illi damu għaddeja l-olimpjadi ta’ Londra ta- 2012, intużaw aktar minn 160,000 xugaman
5) Il-lingwi uffiċjali tal-olimpjadi huma tnejn: l-Ingliż u l-Franċiż. Magħhom tiżdied il-lingwa tal-belt ospita
6) L-attur Johann Peter Weißmüller, illi ħadem il-parti ta’ Tarzan fi tnax-il film rebaħ ħames midalji tad-deheb bħala għawwiem fl-olimpjadi
7) It-tug of war, li min jaf kemm lgħabniha, kienet parti mill-olimpjadi
8) Għal edizzjoni waħda, kien hemm ukoll l-isparar fuq il-ħamiem
9) Il-kuluri taċ-ċrieki olimpiċi intagħżlu għaliex kull bandiera ta’ kull pajjiż tinkludi wiħed minn dawk is-sitta
10) L-ewwel darba li l-olimpjadi saru fl-Amerika t’isfel, kien f’Rio, fl-2016
