Il-Ħbiberija Vera!
![Il-Ħbiberija Vera!](https://stradarjali.com/wp-content/uploads/2024/07/Web-Banner-3-850x560.png)
Ejja nitkellmu dwar il-ħbieb. Taf, dawk in-nies tal-għaġeb li jagħmlu l-ħajja sopportabbli, u xi drabi redikoli. Il-ħbieb huma l-familja li nagħżlu, it-terapisti li ma nħallsux, u d-djarji umani li nafdaw. Hawnhekk hawn gwida mhux uffiċjali, kompletament divertenti biex nifhmu t-tipi differenti ta’ ħbieb u r-rwoli li għandhom f’ħajjitna. U dan kollu jiġi ċċelebrat fit-30 ta’ Lulju, fil-Jum Internazzjonali tal-Ħbiberija.
- L-Aqwa ħbieb
Kif jgħidu bl-Ingliż, dan huma l-ħbieb tal-qalb tiegħek fil-kriminalità, il-persuna li taf lilek aħjar milli taf lilek innifsek. Qsamt għadd ta’ ċajt, mumenti imbarazzanti, u għażliet ta’ ħajja dubjużi. Huma dawk li jgħidulek meta jkollok l-ispinaċi fi snienek u meta jkunu jafu x’inhu għaddej minn dak il-moħħ imgerfex li għandek. - Il-Ħbieb li jaslu dejjem tard!
Ilkoll għandna dak il-ħabib wieħed li qatt ma kien fil-ħin għal xejn. Qatt. Jekk trid li jaslu sas-7 ta’ filgħaxija, tgħidilhom li l-avveniment jibda fis-6. Xorta tkun tħobbhom imma fl-istess ħin jgħajjuk. - Dawk l-onesti żżejjed
“Brutally honest” jgħidu bl-Ingliż. Dawn il-ħbieb jgħidulek meta kif qtajt xagħrek ġejt tidher qisek poodle. Jew inkella kemm ilbist tad-daħk jew kif għadek tidher li waqajt minn fuq is-sodda. Jeżistu, dawk tan-no filter. - Il-Farfett soċjali
Għandek bżonn toħroġ aktar? Dawn il-ħbieb għandhom kalendarju soċjali mimli u se jkaxkruk għal avvenimenti li qatt ma kont taf li jeżistu. Minn wirjiet tal-arti għal festivals l-art, għal xi ġelat jew mixja ħelwa, jiżguraw li ħajtek qatt ma tkun monotona. - Il-Ħbieb li mhux fluenti fil-midja soċjali
Ma tarax jew tismagħhom għal xhur jew inkella qatt ma jgħidu każ dik il-group chat li għandkom… imma meta jidhru, qisu ma għadda l-ebda ħin. Huma jagħmlu kull ħarġa worth it.
Fl-aħħar mill-aħħar, il-ħbieb huma dawk in-nies li jżidu l-kulur, id-daħk, u xi drabi l-kaos f’ħajjitna.