Ir-Re Charles Jikser il-Protokoll Rjali! – Xi Ħlew, Mhux Soltu Din!
Matul riċeviment f’Buckingham Palace, ir-Re kiser il-protokoll u għannaq lill-plejers tat-tim tan-nisa tar-rugby ta’ New Zealand, magħrufin bħala l-Black Ferns, dan ħoloq mument tassew ħelu li spiċċa tassew popolari fuq il-midja soċjali.
Kollox beda meta Ayesha Leti-I’iga, plejer ta’ New Zealand, staqsiet lir-Re għal tgħanniqa. Re Charles, bis-sens umoristiku, wieġeb b’tbissima: “Għaliex le?” u fi ftit sekondi nstema’ ċapċip u ferħ kbir waqt li l-plejers kollha għannquh.
Dan il-mument sploda fuq il-midja soċjali tal-Black Ferns, u aktar minn 1.1 miljun persuna għafsu “like” fuq il-post. Bil-caption sabiħ “Kicking our feet King Charles”, ħafna qalu li qatt ma stennewh jaċċetta l-proposta, speċjalment għax din mhijiex parti mill-protokoll Rjali, iżda Charles għamel l-eċċezzjoni.
Huwa mument li ħalla lil ħafna f’sentiment, b’ħafna jiktbu li r-Re verament “kien jeħtieġ tgħanniqa.” F’dawn l-aħħar xhur, ir-Re u l-familja Rjali għaddew minn ħafna sfidi, inkluż trattamenti tal-kanċer kemm għalih, kif ukoll għall-Prinċipessa Kate. Xi nies innutaw ukoll li dan il-mument ħelu seħħ qrib l-ewwel anniversarju tal-mewt ta’ Ommu, ir-Reġina Eliżabetta II.
Fuq TikTok, xi ħadd kiteb: “Jidher bħallikieku kellu bżonn jingħata tgħanniqa għal snin twal!” Hemm min kiteb ukoll: “Tgħanniqa hija ġest sempliċi, imma anke saħansitra tista’ tfisser ħafna anke għal raġel li għandu kollox.”
