6 pariri dwar ir-relazzjonijiet li se jibdlulek ħajtek

Id-dinja tar-relazzjonijiet hija waħda li f’ċertu okkażżjonijiet tista’ tkun ikkumplikata. Madanakollu jekk qabel ma nidħlu f’relazzjoni niffurmaw ruħna sew u naħdmu fuqna nnifisna, nattiraw aktar sitwazzjonijiet ideali għalina u nitgħallmu niskartaw dal li ma jgħoddx.

Kun intelliġenti fl-għażliet tiegħek

Is-suċċess tar-relazzjoni tiegħek hija ħafna drabi xi ħaġa li tinduna jekk hux se taħdem jew le mill-bidu. Il-persuna li tagħżel li tidħol f’relazzjoni magħha hija kruċjali. Tmurx għal persuni li m’humiex emozzjonalment disponibbli u mbagħad tippretendi li jinbidlu. Iffoka li ssib persuna li għandha valuri simili għal dawk tiegħek u li għandkom għanijiet komuni, mhux biss li tkun attratt għaliha jew għax tħoss ċertu livell ta’ eċitament.

Kun af il-valur tiegħek

Staqsi lilek inniffsek: x’toffri inti f’relazzjoni? Ġeneralment nattrattaw persuni simili tal-istat personali tagħna. Jekk aħna insikuri u m’aħniex emozzjonalment disponibbli, probabbli l-persuna li ħa nattrattaw se tkun hekk ukoll. Biex ikollok relazzjoni sana, iffoka fuq li ssir l-aħjar verżjoni tiegħek inniffsek u taċċetta xejn li jipprova jitfilek id-dawl li għandek fik.

Waqqaf l-istress

Meta wieħed jaħseb u jinkwieta ħafna, jista’ jirrovina r-relazzjonijiet tiegħu. Jekk il-ħin kollu tinkwieta dwar f’liema pożizzjoni qegħdin u x’jista’ jmur ħażin se tħossok dejjem insikur. Minflok, ipprova għix fil-mument u emmen li fl-aħħar mill-aħħar, jiġri x’jiġri inti se tkun ok.

Ma tistax tirbaħhom kollha

Xi kultant, anke jekk dak li jkun jidher perfett għalik, ir-relazzjoni ma taħdimx. Dan ma jfissirx li inti ma kontx biżżejjed għalihom, iżda hija xi ħaġa li tibbaża ruħha fuq kompatibilità. Aħdem fuq li tkun l-aħjar verżjoni tiegħek inniffsek u tiħux rifjuti tat-tip personali.

Il-vibe tiegħek hija aktar importanti minn kif tidher

Iva, id-dehra ta’ dak li jkun hija importanti, iżda l-enerġija u l-vibe tiegħek għandhom rwol kruċjali fis-suċċess ta’ relazzjoni. Jekk persuna tħossha tajjeb miegħek, u tħoss li tista’ tkun pożittiva, mela hemm possibilità li r-relazzjoni tkun ta’ suċċess. Kif tħossok jaffettwa l-mod kif persuni jirrispondu għalik.

Relazzjonijiet tajbin mhux dejjem se jkunu perfetti

Relazzjoni sana se toħloqlok sfidi li probabli se joħorġu l-karatteristiċi l-aktar sbieħ u koroh fiż-żewġ persuni. Mhux se tkun dejjem trankwilla iżda se tgħinkom tikbru, flimkien. Il-kuntentizza ma tiġix mis-sieħeb jew sieħba biss, iżda hija xi ħaġa interna.