Ġenna ta’ Ġonna reġgħet waslet!

Il-Furjana se jkun il-post fejn trid tkun nhar il-Ħadd li ġej, peress li l-avveniment ‘Ġenna ta’ Ġonna’ se jerġa’ lura għal sena oħra! Ħafna drabi magħruf bħala ‘Ġenna ta’ Ġonna’, minħabba li dan is-subborg għandu l-akbar numru ta’ ġonna pubbliċi fuq il-gżira, il-Furjana se tiftaħ il-ġonna tagħha bejn l-10am u t-8pm, flimkien ma’ numru ta’ mużewijiet u bini storiku.

L-attivitajiet tal-ġurnata jinkludu bosta tours gwidati bħax-xarabank, li se titlaq minn Pjazza E.S. Tonna u tgħaddi mill-Kind George V Recreational Grounds, Notre Dame Gate u l-Msida Bastion Historic Garden, kif ukoll tours ġewwa knejjes, xelters, fit-Torri tal-Ilma ta’ Wignacourt u s-Sistema tal-Funderija taħt l-art ta’ Vilhena ukoll! Gwidi tal-mixi b’xejn għat-Trail tal-Wirt ta’ Furjana se jkunu disponibbli biex jgħinu lill-viżitaturi jiskopru l-ġawhar moħbijin tal-Furjana.

Il-ġonna miftuħa għall-pubbliku jinkludu s-Sa Maison Gardens, b’veduti mill-isbaħ tal-Port ta’ Marsamxett, il-Ġnien ta’ Argotti li tinvolvi sezzjoni botanika, u l-Ġnien San Filippu (magħruf ukoll bħala Ġnien tal-Ġeneral).

Dawn huma biss minn aktar attivitajiet; segwu din il-link sabiex tkunu tafu aktar!