Wicked daqt ikun magħna!
Il-film tant mistenni Wicked se joħroġ f’Novembru li ġej, u l-fans tal-musical qed jistennew b’ħerqa! Ispirat mill-produzzjoni teatrali tant maħbuba, Wicked jeħodna fil-pajjiż maġiku ta’ Oz, imma did-darba naraw l-istorja mill-perspettiva ta’ Elphaba, il-Wicked Witch of the West li dejjem ġiet mifhuma ħażin. L-istorja turina l-vjaġġ tagħha qabel ma Dorothy tidħol fl-istorja, u tgħinna nifhmu kif spiċċat titqies bħala l-villain li dejjem smajna fuqha
Il-film għandu lil Cynthia Erivo bħala Elphaba u lil Ariana Grande bħala Glinda, is-Saħħara t-Tajba. Minn dak li rajna s’issa, il-viżwali jidhru spettakolari, b’settijiet inkredibbli, kostumi mill-aqwa, u naturalment dik il-mużika ikonika li l-fans ilhom ikantawha għal snin. “Defying Gravity” żgur se tkun waħda mill-aqwa mumenti f’dan il-film.
Il-film ġie maqsum f’żewġ partijiet, bil-parti tal-ewwel se toħroġ f’Novembru, u t-tieni parti f’2025. Hi mossa kurjuża, imma għal storja tant epika, tagħmel sens! Jekk int dilettant kbir ta’ Wicked jew ġdid għal din l-istorja, dan il-film huwa film li żgur għandek tara!
