Ix-xogħol importanti li jsir fir-restawr tal-gallarija tradizzjonali Maltija
Il-gallarija Maltija, hija xi ħaġa ikonika għalina l-Maltin. Karatteristika li għal ħafna u ħafna snin ilha taffaxxina lil dawk kollha li jgħixu jew iżuru pajjiżna. Jekk għandek il-fortuna li akkwistajt dar li magħha għandek gallarija tradizzjonali, u qed taħseb kif tista’ terġa’ tagħtiha ħajja ġdida, mela kompli aqra għax dan l-artiklu huwa għalik.
Aħna ta’ Strada Rjali tkellimna ma’ Mario Chircop minn MC Restorations, li tana ftit idea tax-xogħol li hemm wara r-restawr ta’ dawn it-tip ta’ gallariji.
“L-ewwel li nagħmlu huwa li nneħħu ż-żebgħa kollha minn mal-gallarija biex naraw sew l-injama,” spjega Mario. Qal li mbagħad huma jispezzjonaw l-injam u jaraw jekk hemmx xi ħsara u jibdlu l-partijiet tal-injam li jkunu ħżiena. “Wara nagħtu l-primer, nistukkjaw, nixkatlaw u nagħmlu l-undercoat u t-top coat,” spjega hu.
Ix-xogħol isir b’reqqa liema bħala għax ta’ MC Restorations jifhmu r-responsabbiltà u l-irwol importanti li għandhom bħala kumpanija fir-restawr ta’ dak kollu li hu karatteristikament Malti.
Jekk qed tfittxu lil xi ħadd biex jirrestawra xi gallarija, bibien jew twieqi tal-injam kemm fuq il-post, kif ukoll fil-workshop tagħhom, mela kellmu lil Mario, ta’ MC Restorations billi ċċemplu fuq 79294958, jew inkella tibgħatu imejl fuq [email protected].
