Il-Kriżi fl-Isptar Mater Dei – Sejħa għal Azzjoni Urgenti

L-Isptar Mater Dei, l-unika post ewlieni għall-kura tas-saħħa f’Malta, jinsab taħt pressjoni enormi. Rapporti ta’ pazjenti li jistennew siegħat biex jingħataw kura, u staff għajjien, jagħtu stampa tas-sitwazzjoni bħalissa. Minkejja d-dedikazzjoni u r-reżiljenza tal-ħaddiema tal-isptar, ir-realtà hija ċara: is-sistema qed titkisser bil-piż tad-domandi tagħha.

Dan mhuwiex dak li kien imfassal minn Dom Mintoff għas-sistema tas-saħħa f’Malta. Mintoff ried li l-kura tkun aċċessibbli u ta’ kwalità għall-Maltin kollha, waħda msejsa fuq il-ġustizzja u d-dinjità. Madankollu llum, dik il-viżjoni qed tiġi mhedda minn nuqqas ta’ staff, riżorsi limitati, u pagi mhux adekwati għall-professjonisti mediċi.

L-istaff ta’ Mater Dei qed jagħmlu minn kollox. Madankollu, l-isforzi tagħhom waħedhom ma jistgħux jikkumpensaw għal problemi sistematiċi. In-nuqqas ta’ staff iwassal għal burnout u moral baxx fost il-professjonisti mediċi, li mbagħad taffettwa l-kwalità tal-kura tal-pazjenti.

Pagi u kundizzjonijiet tax-xogħol aħjar mhumiex biss kwistjoniji ta’ ġustizzja; huma essenzjali għall-appoġġ tas-sistema tas-saħħa. Salarji kompetittivi se jattiraw u jżommu professjonisti, u jnaqqsu l-pressjoni fuq l-istaff preżenti. Li jkun hemm iżjed ħaddiema,jiżgura li l-pazjenti jirċievu kura fil-ħin b’mod effettiv.

Dan huwa mument kritiku għall-awtoritajiet biex jaħdmu. L-investiment fil-kura tas-saħħa mhijiex spiża imma impenn lejn is-saħħa tal-poplu. Sistema soda u b’riżorsi tajbin bil-wirt ta’ Mintoff u tiżgura li kull ċittadin Malti jkollu aċċess għall-kura li jistħoqqlu mingħajr dewmien jew stress mhux meħtieġ.

Il-kriżi f’Mater Dei hija sejħa għal azzjoni. M’għandniex ninsew il-prinċipji fundamentali tas-sistema tas-saħħa: Ugwaljanza, dinjità, u rispett lejn kulħadd. Li nindirizzaw dawn il-kwistjonijiet b’urġenza u determinazzjoni se jissalvagwardja l-futur f’Malta u jtejjeb l-viżjoni ta’ soċjetà aktar sħiħa u ġusta.