Jitħassar Il-Karnival Spontanju Tan-Nadur
Il-Kunsill Lokali tan-Nadur ħabbar li ħassar il-Karnival spontanju tan-Nadur.
Fi stqarrija ngħad li l-kunsill mhu se jorganizza l-ebda attività tal-massa jew li tiġbor fiha xi gruppi ta’ nies flimkien matul il-jiem tal-Karnival tal-2021.
Barra minn hekk ingħad li l-Kunsill mhu se jagħti ebda permessi relatati sabiex xi entità jew gruppi jorganizzaw xi attività għall-massa fil-karnival.
Il-Kunsill żied jgħid li peress li l-Karnival fin-Nadur huwa wkoll spontanju, il-Kunsill insista li ħadd m’għandu juża din bħala skuża sabiex jiltaqa’ jew ilaqqa’ gruppi ta’ nies fin-Nadur, u l-Kunsill huwa kommess li jekk ikun bżonn jirrapporta lill-forzi tal-ordni sabiex jara li tinżamm l-ordni u ma tinkiser l-ebda liġi jew direttiva tal-awtoritajiet tas-saħħa.
