Kontroversja Fuq ‘It-Toaster’ Ta’ Ħal Qormi

Din is-sena saru numru ta’ installazzjonijiet f’diversi żoni prominenti madwar il-pajjiż sabiex b’hekk jiġi iċċelebrat b’mod modest il-Karnival u tal-anqas tinħoloq atmosfera festiva matul dan it-tmiem il-ġimgħa.

Fost dawn l-installazzjonijiet ikkummissjonati mill-organizzaturi tal-karnival hemm toaster li tpoġġiet fil-qrib ta’ roundabout ewlenija ta’ Ħal Qormi ħdejn il-monument tal-paċi magħruf bħala l-monument tal-imgħallaq. Din tissimboliżża r-rabta tal-Qriema mal-ħobż.

Din it-toaster ġabet il-kundanna tal-ex Sindku u President tar-Reġjun Nofsinhar Jesmond Aquilina flimkien mas-Sindku preżenti ta’ Ħal Qormi f’isem il-Kunsill Lokali.

Jidher li ħadd mill-lokal ma’ kien infurmat dwar din it-toaster li s’issa ser tibqa’ installata sa nhar it-Tlieta li ġej.

Int x’taħseb dwar din l-instalazzjoni u oħrajn madwar it-toroq Maltin?