Raġel Qed Ifittex Tmien Persuni Biex Jitilgħu Miegħu Fuq Il-Qamar
il-billjunarju Ġappuniż Yusaku Maezawa qed jistieden tmien persuni minn madwar id-dinja, biex flimkien miegħu imorru għal vjaġġ sal-qamar u lura, fuq it-titjira SpaceX ta’ Elon Musk.
L-intraprenditur qal li jrid nies minn kull qasam tal-ħajja biex jingħaqdu miegħu għal dan il-vjaġġ storiku, liema vjaġġ se jkun imħallas kollu kemm hu minnu. Il-missjoni, bl-isem ta’ dearMoon, hija skedata għall-2023.
Maezawa qal li l-applikanti għandhom ikollhom l-aspirazzjoni li jtejbu l-umanità, u li lesti jgħinu lil sħabhom f’kull mezz possibbli matul dan il-vjaġġ.
Hu spjega kif dan se jkun vjaġġ privat minħabba li hu xtara l-biljetti kollha fuq l-ispaceship.
