Evalwat Hux Possibbli Jsiru Eżamijiet Tal-MATSEC F’Ġunju Li Ġej

F’dan iż-żmien ikunu qed isiru l-preparamenti biex isiru l-eżamijiet tal-O u l-A levels fejn is-soltu jsiru f’Ġunju. Iżda minħabba s-sitwazzjoni preżenti, il-MATSEC qed tevalwa jekk hux se jkun possibbli li l-eżamijiet isiru kif previst.

Id-Direttur tal-MATSEC Dario Pirotta qal li l-impenn tal-MATSEC huwa li kollox isir kif pjanat filwaqt li jkunu osservati r-regoli kollha.

Madanakollu, il-Junior College se jkun qed jikkanċella l-eżamijiet għall-istudenti tal-ewwel sena u dawk fis-sixth form t’Għawdex ser jagħmlu l-eżamijiet tal-aħħar tas-sena, f’Ġunju  b’mod normali.

Ritratt: myexams.gov.mt