“Illum Huwa Pass Żgħir Ieħor Biex Issir Ġustizzja” – Bernard Grech

Ftit tal-ħin ilhu permezz ta’ telefonata fuq Net TV u post fuq il-profil tal-midja soċjali tiegħu, l-Kap tal-Partit Nazzjonalista għadda r-reazzjonijiet tiegħu fuq l-aħħar żviluppi fil-Qorti.

Fi kliemu illum huwa pass żgħir ieħor biex issir ġustizzja fuq każ li kien inkixef minn Daphne Caruana Galizia u li nbdiet inkjesta dwaru fuq talba ta’ Simon Busuttil. Skont Dr. Grech illum kien episodju ieħor li jkompli jikkonferma kif klikka kriminali ħatfet il-Gvern Laburista u mbagħad ħatfet l-istituzzjonijiet biex ħadd minnhom ma jiffaċċja l-ġustizzja.

Fil-kumment tiegħu fuq Net TV huwa qal li għada ser tibda’ rebbiegħa ġdida u għalhekk il-Partit Nazzjonalista irrid jirkeb fuq din l-opportunita’ u jħares ‘il quddiem.