“Flok Kartolini Tal-Għid, Ħsibna Li Ngħinu Lit-Tfal F’Kura Alternattiva”
Il-Ministru għar-Riċerka, l-Innovazzjoni u l-Koordinazzjoni tal-Istrateġija Wara COVID-19 Dr. Owen Bonnici tella’ filmat li juri ħsieb altruwist f’dawn iż-żminijiet li qed ngħixu bħalissa tal-pandemija.
Qal li l-pandemija, qed tkompli tfakkarna fil-valuri tal-umanità u li rridu niġġielduha billi nuru solidarjetà bejnietna.
“Is-soltu nibagħtu kartolini fejn nawguraw l-Għid it-Tajjeb. Din is-sena għażilna li bħala ġest simboliku flok nixtru l-kartolini, nixtru, naturalment minn fondi personali, figolli b’riżq ic-Children Funds li hu fond li jgħin lil tfal f’kura alternattiva.”
Ġest sabiħ li gawdew minn iżjed dawn it-tfal.
Ejjew inkomplu ngħinu lil xulxin ħalli noħorgu minn dan iż-żmien kemm jista’ jkun malajr.
