L-Arċisqof Emeritu Pawlu Cremona Jiddaħħal L-Isptar

L-Arċisqof Emeritu Pawlu Cremona jinsab rikoverat l-Isptar Mater Dei.

Fi stqarrija l-Kurja qalet li l-Arċisqof Emeritu Cremona jinsab f’kundizzjoni medika tajba wara li lbieraħ filgħaxija sarlu intervent minuri f’qalbu.

L-Arċisqof Charles J Scicluna, fil-quddiesa tal-Ħadd offra t-talb għall-Arċisqof Emeritu Cremona, għal fejqan ta’ malajr.

Fil-25 ta’ Jannar, l-Arċisqof Emeritu Pawlu Cremona għalaq 75 sena. Mons. Pawlu Cremona kien ġie ikkonsagrat Isqof fis-26 ta’ Jannar 2007.