In-Nutar Ivan Barbara Jitlef Il-Battalja Kontra L-Covid-19
In-Nutar Ivan Barbara; il-Malti ta’ 47 sena li fl-aħħar jiem marad bil-Covid-19 fl-Indja. Huwa kien mistenni jasal Malta permezz ta’ air ambulance illejla.
Il-Malti miet fl-aħħar sigħat wara li l-kundizzjoni tiegħu qalbet għall-agħar. Huwa kien jinsab fl-Indja flimkien ma’ martu ta’ madwar 40 sena biex jadottaw tifla.
Il-koppja marret l-Indja fil-bidu ta’ dan ix-xahar meta s-sitwazzjoni kienet għadha mhix gravi.
Fi stqarrija mill-Ministeru tas-Saħħa intqal li l-awtoritajiet Maltin kienu f’kuntatt mal-Malti u mal-familja tiegħu u kien mistenni jasal Malta aktar tard illum.
“Filwaqt li jagħtu l-kondoljanzi lill-familjari tiegħu, l-awtoritajiet Maltin se jkunu qed iżommu kuntatt magħhom f’dan il-mument diffiċli”, temmet tgħid l-istqarrija.
