Tingħata T-Tarmak Triq L-Imgħallem Fir-Rabat Għawdex – Valur Ta’ €850,000
Il-Ministru għal Għawdex Clint Camilleri żar Triq l-Imgħallem fir-Rabat, Għawdex, triq oħra li nqalgħet u ġiet irranġata mill-ġdid b’valur ta’ madwar €850,000. Triq l-Imgħallem, b’tul ta’ 460 metru, saru fiha diversi xogħlijiet, fosthom sistemi ġodda tal-ilma u d-drenaġġ, pajpijiet għall-ilma tax-xita li li jinkludu sistema li twassal miċ-Ċittadella, reġgħu nbnew l-istormwater culverts, dwal għall-pajsaġġ u bankini ġodda. Barra minn hekk, saru wkoll uħud mill-ħitan u ħitan tas-sejjieħ, postijiet għall-parkeġġ u bini mill-ġdid tat-triq, filwaqt li ttejjeb l-immaniġġjar tat-traffiku.
Il-Ministru għal Għawdex Clint Camilleri temm jgħid li ladarba tlestiet Triq l-Imgħallem, imiss li jibda x-xogħol fuq it-Triq ta’ wara s-Sur, li ser tinqala’ u tinbena mill-ġdid.
Ritratt: MGOZ
