Malta Ma Jirnexxiliex Tirbaħ Il-Eurovision
Minkejja l-prestazzjoni eċċellenti tal-kantanta brava Destiny Chukunyere, Malta ma rnexxiliex tirbaħ il-Eurovision Song Contest ta’ din is-sena.
Malta mill-ġurija tal-pajjiżi ġiet fit-tielet post. Kienu n-Norveġja, l-Awstralja, ir-Rumanija u l-Isvezja li tawna 12-il punt. Mit-televoting, Malta ħadet 47 punt. B’hekk, pajjiżna ġie fis-7 post.
L-Italja rebħet il-Eurovision Song Contest 2021.
Xorta waħda, fuq fomm kulħadd kien l-ispettaklu qawwi u brillanti li tat Destiny b’kummenti jispikkaw fuq il-vuċi soda u sabiħa li għandha.
Minn qalbna, Awguri Destiny u grazzi tal-isem sabiħ li għamilt lil pajjiżna.
Ritratt: EBU / ANDRES PUTTING
