Żewġ Taljani L-Isptar Wara Inċident Fil-Gudja

Ilbieraħ, għall-ħabta tas-sagħtejn u nofs, il-Pulizija ġiet infurmata li kien seħħ inċident tat-traffiku fi Triq l-Avjazzjoni, il-Gudja.

Mill-ewwel stħarriġ irriżulta li seħħ impatt bejn Opel Astra, li kienet qed tinstaq minn raġel ta’ 65 sena li jgħix il-Gudja, u Toyota Yaris, li kienet qed tinstaq minn Taljana ta’ 29 sena li tgħix Ħal Qormi. Fit-Toyota kien hemm ukoll żewġt irġiel Taljani; wieħed li l-eta’ tiegħu għadha mhux magħrufa u ieħor ta’ 37 sena.

Tim mediku ta l-ewwel għajnuna, ambulanza ħadet liż-żewġt irġiel Taljani l-Isptar Mater Dei għall-kura, fejn dak ta’ 37 sena ġie ċċertifikat li sofra ġrieħi ta’ natura ħafifa filwaqt li l-ieħor sofra ġrieħi gravi.

L-investigazzjonijiet tal-Pulizija għadhom għaddejjin.