Strateġija Nazzjonali Biex Żgħażagħ Ma Jieqfux Jistudjaw Kmieni

Il-Ministeru għall-Edukazzjoni nieda strateġija nazzjonali ġdida biex anqas żgħażagħ joħorġu kmieni mill-edukazzjoni u t-taħriġ.

Justyne Caruana; il-Ministru għall-Edukazzjoni, tenniet li r-rata ta’ Malta fl-aħħar snin naqset meta mqabbel ma’ pajjiżi oħra tal-Unjoni Ewropea għalkemm hija waħda mill-għoljin fl-Ewropa.

Caruana tenniet li rridu nisħqu fuq dan il-fatt fejn semmiet li bħalissa għaddejjin taħditiet politiċi dwar dan il-kejl għaliex il-persentaġġ ta’ żgħażagħ li ma jkomplux it-taħriġ f’Malta fil-verità huwa inqas minn hekk.

Waqt il-konferenza ntqal li 16.7% taż-żgħażagħ ta’ bejn it-18 u l-24 sena ħarġu mis-sistema edukattiva mingħajr o’levels.

Din l-istrateġija tibni fuq dik preċedenti li ntemmet madwar sena ilu fejn ma tiffukax biss fuq l-edukazzjoni imma wkoll fuq it-taħriġ vokazzjonali.