Prova Jinħeba Wara Tfal Waqt Li Kien Fil-Mira Ta’ Sparatura
Tifla ta’ 10 snin kienet miexja ma’ ħuha ta’ 5 snin fejn spiċċaw tarka għall-vittma li kien qed jiġri mill-agressur fi triq fi New York.
Fil-filmat jidher illi l-vittma li għandu 24 sena waqqa’ lill-żewġt itfal u prova jinħeba warajhom filwaqt illi l-agressur deher jispara mill-viċin lill-vittma f’daharu u f’saqajh.
Fl-istess ħin jidher l-att erojku tat-tifla li għalkemm hi kienet fil-periklu, xorta ħasbet li tieħu ħsieb lil ħuha billi resqitu lejha u għanqitu magħha.
L-agressur, akkumpanjat mill-kompliċi tiegħu ħarbu minn fuq il-post permezz ta’ scooter. Il-pulizija għadha għaddejja bl-investigazzjonijiet tagħha.
Il-vittma li huwa magħruf sew mal-pulizija, ġie rikoverat fl-isptar wara li mexa waħdu sal-emerġenza. Huwa mistenni li jirkupra, filwaqt li it-tfal ma ġarbu l-ebda ġrieħi ħlief xokk qawwi li żgur ma huma ser jinsew qatt.
Ritratt: cbsnews.com
(Dan l-artiklu sar minn Svetlana Muscat li studjat il-Kriminoloġija fl-Università ta’ Malta)
