Il-Ministru Clayton Bartolo B’Diversi Laqgħat F’Ruma

Il-Ministru għat-Turiżmu u l-Protezzjoni tal- Konsumatur Clayton Bartolo jinsab f’Ruma. Dalgħodu attenda wkoll udjenza mal-Papa Frangisku fil-Vatikan.

Il-Ministru bħalissa jinsab għaddej b’laqgħat importanti f’din il-Belt Taljana sabiex jiġu attirati aktar turisti lejn Malta.

Matul dawn l-aħħar xhur il-Ministru Bartolo kien qed jaħdem fuq diversi niċeċ ġodda ta’ turiżmu kif ukoll għajnuniet lill-għaqdiet sabiex ikomplu jinvestu bl-għan li diversi postijiet ta’ interess ikunu miftuħin għall-pubbliku. Dawn in-niċeċ jinkludu turiżmu reliġjuż kif ukoll dak kulturali.