Arrestat B’Rabta Ma’ Traffikar Tad-Droga – Valur Ta’ €100,000 Kieku Nbiegħet

Operazzjoni mill-Iskwadra ta’ Kontra d-Drogi, assistiti mill-Pulizija tar-Rapid Intervention Unit, wasslet għall-arrest ta’ raġel ta’ 32 sena mill-Belt Valletta, b’rabta ma’ traffikar taddroga.

Wara jiem ta’ sorveljanza, ilbieraħ, il-Pulizija waqfet vettura fi Triq Borg, Birkirkara, li kienet qiegħda tinstaq mir-raġel. Saret tfittxija fil-vettura moħbija fiha nstabu madwar 1.8KG ta’ sustanza bajda, allegatament droga kokaina, kif ukoll ammont ta’ flus kontanti.

Il-valur fit-triq, li kieku d-droga kokaina nbiegħet kienet tlaħħaq ftit iktar minn €100,000.

Bil-każ ġiet infurmata l-Maġistrat tal-Għassa Dr Natasha Galea Sciberras  li ħatret inkjesta.

Ir-raġel mistenni jitressaq il-Qorti llum quddiem il-Maġistrat tal-Għassa Dr Marseanne Farrugia, għall-ħabta tas-14.15.

L-investigazzjonijiet tal-Pulizija għadhom għaddejjin.

Ritratti: Uffiċċju tal-Komunikazzjoni, Il-Korp tal-Pulizija ta’ Malta