Vjaġġ B’Differenza Issa Lejn It-Tarf Tal-Ispazju

Kumpanija fi Florida qed tippjana li tibda ttir lejn it-tarf tal-ispazju f’verżjoni ta’ teknoloġija ġdida b’forma ta’ hot air balloon, li tieħu sa tmien vjaġġaturi u pilota li jsuq din il-kapsula.

Titjira inawgurali bi prova telgħet fit-18 ta’ Ġunju minn Florida. Din It-titjira ta’ sitt sigħat u nofs kienet mingħajr ekwipaġġ, iżda b’kameras abbord li qabdu immaġni meraviljużi tad-Dinja waqt tlugħ ix-xemx.

Jekk qed titħajjar il-kumpanija ‘Space Perspective’ bdiet tieħu riżervi tagħha għal titjiriet li ħa jibdew fil-bidu tas-sena 2024, il-biljett jiswa $125,000 għal kull persuna.

‘Space Perspective’ tgħid li t-titjira bi prova kienet tragward kruċjali fit-triq tagħha biex tieħu turisti spazjali fuq vjaġġi turistiċi. Filwaqt li l-ewwel titjiriet se jitilqu minn Florida, il-kumpanija qed tippjana siti addizzjonali madwar id-dinja.

Ritratt Prinċipali: SYFY

Ritratt: CNN