Tweġġa’ Gravi F’Inċident Fi Triq Tal-Qroqq, L-Imsida

Mara Franċiża, għal xi tlieta ta’ filgħodu, kellha tittieħed l-Isptar Mater Dei għax weġġgħat f’inċident tat-traffiku fi Triq tal-Qroqq, l-Imsida.

Mill-investigazzjonijiet preliminari rriżulta li seħħet ħabta bejn Citroen C1, misjuqa minn raġel mill-Venezuela ta’ 32 sena residenti l-Imsida, u mutur Peugeot Kisbee, misjuq mill-mara.

Aktar tard, ġiet iċċertifikata li weġġgħet gravi.

L-investigazzjonijiet tal-Pulizija għadhom għaddejjin.