Żewġ Pumpiera L-isptar Wara Li Nqalbu B’Vettura Fi Triqthom Biex Jitfu Nar
Żewġ pumpiera mid-Dipartiment tal-Protezzjoni Ċivili li kienu fi triqthom biex jitfu nirien fis-Siġġiewi spiċċaw l-isptar wara li nqalbu b’land rover tas-servizz fil-wied ta’ Ħal Qormi.
L-inċident seħħ għall-ħabta tat-3:30pm meta għal xi raġuni, is-sewwieq tilef il-kontroll tal-vettura, ħabat ma’ ċint u baqa’ nieżel fil-wied f’għoli ta’ madwar ħames filati.
Fuq il-post issejħu l-ħaddiema sħabhom kif ukoll żewġ timijiet mediċi biex jagħtu kura ta’ emerġenza lill-pumpiera.
Il-kundizzjoni tal-ħaddiema għadha mhix magħrufa.
Il-Pulizija għaddejja bl-investigazzjonijiet tagħha dwar il-każ.
