Neil Agius Jasal Fix-Xlendi Wara 50 Siegħa Fil-Baħar

Neil irnexxilu jikser rekord dinji b’għawma f’baħar miftuħ billi għawm 130 kilometru.

Propju ftit tal-minuti wara l-10pm l-għawwiem Neil Agius daħal fil-bajja tax-Xlendi Għawdex biex b’hekk temm għawma ta’ 130 kilometru li bdiet mil-gżira ta’ Linosa t-Tnejn għal ħabta tas-6pm.

Neil fil-bajja tax-Xlendi sab diversi dgħajjes u ammont kbir ta’ nies li għamlulu kuraġġ fl-aħħar ftit metri li kien fadal u hekk kif mess l-art.

Din l-għawma kienet parti mil-kuxjenza favur l-ambjent ‘wave of change’.

Prosit Neil!

Ritratt: Kurt Arrigo