Il-Mara Li Waqgħet Minn Fuq Il-Vapur T’Għawdex Ma Weġġgħetx
Il-mara Ngliża ta’ 33 sena li lbieraħ waqgħet minn fuq il-vapur tal-Gozo Channel waqt li kien qed jaqsam il-fliegu, ġiet iċċertifikata li ma weġġgħetx.
Dan wara li ttieħdet l-isptar għall-osservazzjoni.
Il-każ ġara lbieraħ għall-ħabta tas-19.15. Hija ngħatat l-ewwel għajnuna minn ħaddiema tat-Transport Malta ta’ fuq il-baħar kif ukoll minn tim mediku mill-isptar Mater Dei.
Jidher li l-pulizija qed tinvestiga dan il-każ.
