Bil-Filmat: Is-Sindku Tal-Qala Jappella Biex Tittieħed Azzjoni Fi Triq Il-Wardija
Is-Sindku tal-Qala, Għawdex Paul Buttigieg dalgħodu qasam filmat fuq il-mezzi soċjali fejn wera s-sitwazzjoni li tinsab fiha Triq il-Wardija, hekk kif minħabba xogħol li qed isir ftit metri ‘l bogħod qed joħloq inkonvenjent kbir.
Fil-filmat jidher kif ta’ kull filgħodu t-trakk li jiġbor iż-żibel mhux qed ikun jista’ jgħaddi mit-triq msemmija minħabba li hemm ħajt mibni mis-sid tal-art fejn qed isir il-bini.
Dan jidher li qed mibni l-barra aktar milli suppost u meta s-Sindku prova jikkuntattja kemm il-periti tas-sit kif ukoll lis-sid ma kien hemm l-ebda azzjoni.
Is-Sindku Paul Buttigieg wera fil-filmat li jekk jidħol il-ġewwa dan il-ħajt il-problema tkun solvuta. Però s-sid jidher li ma jridx ineħħi dan il-ħajt biex jinki, saħaq Paul Buttigieg filwaqt li talab biex tittieħed azzjoni min xi ħadd illum qabel għada.
